रेवदंडा | अलिबाग तालुक्यातील चिंचोटी येथे शनिवारी, २४ ऑक्टोबर रोजी पहाटे सुमारे ५.१५ वाजण्याच्या सुमारास महावितरणचा जीर्ण झालेला विजेचा खांब अचानक प्रभाकर धर्मा भांजी यांच्या कौलारू घरावर कोसळला. या दुर्घटनेत घराच्या छताचे व कौलांचे मोठ्या प्रमाणात नुकसान झाले.
मुंबई | राज्यातील दुष्काळसदृश परिस्थितीच्या पार्श्वभूमीवर पशुधनासाठी हिरव्या चार्‍याची उपलब्धता वाढविण्यासह ग्रामीण भागातील मजुरांना रोजगार उपलब्ध करून देण्यासाठी शासनाने महत्त्वाचा निर्णय घेतला आहे. ‘विकसित भारत रोजगार व आजीविका हमी अभियान (ग्रामीण)’ (व्हीबी जी राम जी) अंतर्गत वैयक्तिक तसेच ग्रामपंचायत व सार्वजनिक जमिनीवर चारा पिकांच्या लागवडीसाठीच्या आर्थिक मापदंडांना शासनाने मान्यता दिली आहे.
मुंबई | टाटा मोटर्सच्या डिझेल एक्झॉस्ट फ्लुईड उत्पादनाच्या कथित बनावट विक्रीप्रकरणी पनवेल तालुक्यातील गव्हाण फाटा परिसरात दोघांविरुद्ध गुन्हा दाखल करण्यात आला आहे. स्वराज ऑटोमोबाईल आणि साईप्रसाद स्पेअर पार्ट्स या ठिकाणांशी संबंधित या प्रकरणात पोलिसांनी नऊ प्लास्टिक बकेट जप्त केल्या असून, त्यांची एकूण किंमत ३२ हजार ८९५ रुपये आहे.
कळंबोली | रबाळे एमआयडीसी पोलीस ठाण्याच्या हद्दीतील यादव नगर परिसरात जुन्या वादातून एका २५ वर्षीय तरुणाची हत्या झाल्याची धक्कादायक घटना घडली आहे. दिवाकर सोमनाथ यादव असे मृत तरुणाचे नाव असून, पैशांच्या देवाणघेवाणीवरून निर्माण झालेल्या वादाचे रूपांतर गुरुवारी रात्री रक्तरंजित संघर्षात झाले.
उरण | जुन्या वादाचा राग मनात धरून एका तरुणाला रस्त्यात अडवून लोखंडी हत्याराने डोक्यावर वार केल्यानंतर त्याच्या अंगावर पेट्रोल ओतून जाळण्याचा प्रयत्न केल्याची धक्कादायक घटना उरण परिसरात घडली आहे. या गंभीर प्रकरणात उरण पोलिसांनी तपासाची चक्रेवेगाने फिरवत दोघांना अवघ्या २४ तासांत अटक केली.
उरण | नवी मुंबई आंतरराष्ट्रीय विमानतळाला लोकनेते दि.बा. पाटील यांचे नाव देण्यात यावे, या मागणीसाठी भूमिपुत्र पुन्हा एकदा आक्रमक झाले आहेत. शासनाकडून वारंवार आश्वासने देऊनही नामकरणाचा प्रश्न मार्गी लागत नसल्याने आता निर्णायक आंदोलन छेडण्याचा निर्धार प्रकल्पग्रस्तांनी व्यक्त केला आहे.
पनवेल । गणेशोत्सव आणि नवरात्रोत्सवादरम्यान पनवेल शहरातील प्रमुख चौकांमध्ये फुले खरेदीसाठी होणारी गर्दी आणि त्यामुळे निर्माण होणारी वाहतूक कोंडी कमी करण्यासाठी पनवेल शहर वाहतूक शाखेने नियोजनबद्ध उपाययोजना केल्या आहेत.
श्रीवर्धन । श्रीवर्धन शहरात अल्पवयीन मुलांकडून दुचाकी चालविण्याचे प्रकार वाढत असल्याने नागरिकांमध्ये चिंता व्यक्त होत आहे. अनेक विद्यार्थी वयाची अट पूर्ण होण्यापूर्वीच पालकांच्या दुचाकी घेऊन शाळेत येत असल्याचे चित्र दिसत आहे. अशा वाहनचालकांवर कठोर कारवाई करावी, तसेच अल्पवयीन मुलांच्या हातात वाहने देणार्‍या पालकांनाही जबाबदार धरावे, अशी मागणी नागरिकांकडून होत आहे.
पुणे । यंदाच्या दिवाळीच्या सुट्ट्यांचे वेळापत्रक माध्यमिक शिक्षण विभागाने जाहीर केले आहे. त्यानुसार खासगी माध्यमिक आणि उच्च माध्यमिक शाळांना 2 नोव्हेंबर ते 14 नोव्हेंबर 2026 या कालावधीत दिवाळीची सुट्टी असेल. दिवाळीची सुट्टी सोमवार, 2 नोव्हेंबरपासून सुरू होणार आहे.
पनवेल | मुंबईतून कॅबने पनवेलला परतणार्‍या महिलेबरोबर कॅबचालकाने गैरवर्तन केल्याची धक्कादायक घटना घडली. चालकाने कॅब थांबवून चालकाने महिलेचा हात पकडून तिचे कपडे काढण्याचा प्रयत्न केल्याचा आरोप आहे. महिलेने प्रसंगावधान राखत कॅबमधून बाहेर पडून आपली सुटका करून घेतली.
महाड | बिरवाडी बाजारपेठेशी आपले जुने आणि जिव्हाळ्याचे नाते असून, येथे होणार्‍या आपल्या कार्यक्रमामुळे काहींच्या पोटात दुखत असेल, तर त्यांना योग्य वेळी ओवा देऊ, अशा बोचर्‍या शब्दांत रायगडचे पालकमंत्री भरतशेठ गोगावले यांनी राजकीय विरोधकांना लक्ष्य केले.
कोर्लई | राष्ट्रीय रस्ते विकास महामंडळातर्फे साळाव-मुरुड रस्त्याच्या काँक्रिटीकरणाचे काम सुरू आहे. मात्र, नांदगाव येथील नागेेशर नगर ते आयुष हॉस्पिटलदरम्यान साईडपट्टी भराव करताना रस्त्यावर आलेली खडी-माती वाहनचालकांसाठी धोकादायक ठरत आहे.
दिघी | श्रीवर्धन तालुक्यातील सर्वे येथील समुद्रकिनारी असलेल्या शासकीय जमिनींवरील अतिक्रमणे, अवैध बांधकामे आणि अनधिकृत असेसमेंटचा मुद्दा पुन्हा ऐरणीवर आला आहे. बुधवारी (२६ ऑगस्ट) झालेल्या ग्रामसभेत असेसमेंट उतारे देताना आर्थिक देवाणघेवाण झाल्याचा आरोप करण्यात आला आहे.
माणगाव | गेल्या अनेक दिवसांपासून पावसाने दडी मारल्याने वाढलेल्या उकाड्याने हैराण झालेल्या माणगाव तालुक्याला सोमवारी (१९ ऑक्टोबर) सायंकाळी परतीच्या पावसाने जोरदार तडाखा दिला. सायंकाळी पाचच्या सुमारास विजांच्या कडकडाटासह मुसळधार पाऊस झाल्याने काही काळ जनजीवनावर परिणाम झाला.
माणगाव | माणगाव शहरातील वाहतूक कोंडीची समस्या रविवारी, ४ ऑटोबर रोजी पुन्हा गंभीर झाली. मुंबईच्या दिशेने जाणार्‍या मार्गावर माणगाव शहरापासून ढालघर फाट्यापर्यंत सुमारे सात किलोमीटरपर्यंत वाहनांच्या रांगा लागल्याने वाहतूक संथ झाली. रस्त्यावर वाहनांची गर्दी वाढल्याने पादचार्‍यांनाही मार्ग काढताना मोठ्या
रोहा | रायगड जिल्ह्याचे श्रद्धास्थान आणि रोह्याचे ग्रामदैवत श्री धावीर महाराज यांच्या पालखी सोहळ्याला बुधवारी पहाटे मोठ्या उत्साहात प्रारंभ झाला. यावेळी रायगड पोलिसांच्यावतीने रोह्याचे पोलीस निरीक्षक अभय शेलार आणि त्यांच्या पथकाने श्री धावीर महाराजांना सशस्त्र मानवंदना दिली.
रोहा । पावसाच्या अनियमिततेमुळे आणि प्रतिकूल हवामानामुळे शेती संकटात सापडलेली असताना रायगड जिल्ह्यातील बहुतांश तालुक्यांना दुष्काळग्रस्त यादीतून वगळण्यात आल्याने शेतकर्‍यांमध्ये नाराजीचे वातावरण आहे. श्रीवर्धन तालुक्याचा दुष्काळग्रस्त यादीत समावेश करण्यात आला आहे.
श्रीवर्धन । अवैध हातभट्टी दारूच्या व्यवसायाविरुद्ध श्रीवर्धन पोलिसांनी धडक कारवाई करत 55 हजार 500 रुपये किमतीची दारु, बिअरच्या बाटल्या आणि दारू तयार करण्यासाठी वापरण्यात येणारे रसायन जप्त केले. गालसुरे काठी आणि निगडी काठी परिसरात 17 ऑक्टोबर रोजी करण्यात आलेल्या या कारवाईत चार जणांविरुद्ध गुन्हे दाखल करण्यात आले आहेत.
म्हसळा | म्हसळा तालुक्यात दरवर्षी सरासरी चार ते साडेचार हजार मिलिमीटर पाऊस पडतो. मात्र, यंदाच्या खरीप हंगामात पावसाच्या लहरीपणामुळे शेतकरी मोठ्या संकटात सापडला आहे.
म्हसळा | म्हसळा नगरपंचायतीतील राजकीय घडामोडींना पुन्हा वेग आला असून, शिवसेना शिंदे गटाच्या उपनगराध्यक्षा कमल रविंद्र जाधव यांनी आपल्या पदाचा राजीनामा दिले आहे. नगराध्यक्ष सुनील शेडगे यांच्याकडे राजीनामा सादर केल्याचे समजते.
बेणसे । “किती छान दिसते फुलपाखरू...” बालपणीची ही कविता आठवली की डोळ्यांसमोर अलगद फुलांवर बागडणार्‍या फुलपाखरांचे चित्र उभे राहते. निसर्गाच्या या छोट्याशा कलाकारांची दुनिया पाहताना मनही आनंदाने फुलून जाते. रायगड जिल्ह्यात सध्या अशाच रंगीबेरंगी फुलपाखरांची मुक्त उधळण पाहायला मिळत आहे.
पेण | पेणच्या सामाजिक आणि व्यापारी इतिहासाशी जोडलेल्या ब्रिटिशकालीन ‘भुंडा पुला’च्या जागी तरणखोप-पेण मार्गावरील भोगावती नदीवर उभारण्यात आलेल्या सुमारे १०० मीटर लांबीच्या आधुनिक पुलाच्या कामाची राज्यस्तरावर दखल घेण्यात आली आहे.
सुधागड-पाली । यंदा पावसाचे प्रमाण कमी राहिल्याच्या पार्श्वभूमीवर आगामी उन्हाळ्यात पाली शहराला पाणीटंचाईचा सामना करावा लागू नये, यासाठी पाली नगरपंचायतीने आतापासूनच पाणी साठवणूक आणि पाणीपुरवठ्याच्या नियोजनावर भर दिला आहे. आंबा नदीतील उपलब्ध पाणीसाठा अधिक काळ टिकवून ठेवण्यासाठी नदीवर दोन ठिकाणी लघु बंधार्‍यांची उभारणी पूर्ण करण्यात आली आहे.
सुधागड-पाली | पाली-खोपोली महामार्गावरील रासळ आणि कानसळ परिसरात मोकाट गुरांचा प्रश्न दिवसेंदिवस गंभीर बनत असून, या गुरांनी महामार्गावर अक्षरशः ठाण मांडल्याचे चित्र पहायला मिळत आहे. रस्त्याच्या मधोमध कळपाने गुरे उभी राहत असल्याने वाहनचालकांना जीव मुठीत धरून वाहने चालवावी लागत आहेत.
कर्जत । कर्जत-खालापूर मतदारसंघात औद्योगिक क्षेत्रातील कामांच्या वाटपावरून राष्ट्रवादी काँग्रेस आणि शिवसेना शिंदे गट एकत्र आले. कंपनीतील कामे आणि रोजगाराच्या संधीवरुन ‘50-50’ फॉर्म्युला जाहीर केल्यानंतर, राष्ट्रवादीचे मित्रपक्ष मात्र नाराज होऊन बसले असल्याची चर्चा आहे.
कर्जत । थंड हवेचे ठिकाण म्हणून प्रसिद्ध असलेल्या माथेरानमध्ये गेल्या काही दिवसांपासून बिबट्याच्या दोन पिल्लांचा वावर वाढल्याचे दिसून येत आहे. वन ट्री हिल आणि अमन लॉज परिसरात या पिल्लांचे वारंवार दर्शन होत असून, रात्रीसोबतच दिवसा बिबट्या दिसल्याने स्थानिक नागरिकांमध्ये भीतीचे वातावरण निर्माण झाले आहे.
खोपोली | खालापूर तालुक्यातील सावरोली येथील एल अँड टी कंपनीतील स्थानिक रोजगाराच्या प्रश्नावरून निर्माण झालेल्या वादानंतर कर्जतचे शिवसेना आमदार महेंद्र थोरवे आणि राष्ट्रवादी काँग्रेसचे जिल्हाध्यक्ष सुधाकर घारे यांच्यात अखेर समेट झाला. स्थानिकांना रोजगाराच्या संधी मिळाव्यात, यासाठी दोन्ही नेत्यांनी एकत्रितपणे प्रयत्न करण्याची भूमिका घेतली आहे.
खोपोली | डॉक्टरांना मारहाण करून रुग्णालयातील वस्तूंची तोडफोड केल्याची घटना खोपोली शहरातील शास्त्रीनगर येथील सुमित्राराज हॉस्पिटलमध्ये घडली. याप्रकरणी खोपोली पोलीस ठाण्यात आठ ते दहा जणांविरुद्ध गुन्हा दाखल करण्यात आला आहे.
महाड । आर्थिक अडचणींमुळे गोरगरीब आणि आदिवासी रुग्णांना उपचारांपासून वंचित रहावे लागू नये, यासाठी त्यांना मोफत उपचार मिळवून देण्यास प्राधान्य दिले जाईल. महाड- माणगाव-पोलादपूर मतदारसंघातील गरजू रुग्णांना मुंबई, पुणे आणि अन्य शहरांतील रुग्णालयांत उपचार मिळवून देण्यासाठी आरोग्य सेवकांची नियुक्ती करण्यात आली आहे.
महाड | महाड एमआयडीसी पोलीस ठाण्याच्या हद्दीतील बिरवाडी येथे भावकीतील देवकाच्या वादातून झालेल्या मारहाणीत एक जण जखमी झाल्याची घटना समोर आली आहे. याप्रकरणी चार जणांविरोधात महाड एमआयडीसी पोलीस ठाण्यात गुन्हा दाखल करण्यात आला आहे.
पोलादपूर । पोलादपूर शहरात मध्यरात्री संशयास्पदरीत्या फिरणार्‍या पिकअप जीपमधून पोलिसांनी एक बंदूक आणि 10 जिवंत छरा काडतुसे जप्त केली. स्थानिक सामाजिक कार्यकर्तीने दाखवलेल्या सतर्कतेमुळे ही कारवाई करण्यात आली. याप्रकरणी तिघांविरुद्ध भारतीय हत्यार कायदा 1959 च्या कलम 3(1) व 25 नुसार गुन्हा दाखल करण्यात आला आहे.
पोलादपूर | पोलादपूर तालुक्यातील लोहारे-देऊळकोंड येथे जन्मदात्या बापानेच आपल्या २३ वर्षीय मुलाच्या छातीवर चाकूने वार करून त्याचा खून केल्याची धक्कादायक घटना मंगळवारी (२२ सप्टेंबर) घडली. साई सचिन चिकणे असे मृत तरुणाचे नाव आहे. सचिन चिकणे आणि त्यांची पत्नी संध्या यांच्यात वाद झाला.
तळा । तळा नगरपंचायतीस 13 कोटी 81 लाख रुपयांचा निधी पाणीपुरवठा योजनेसाठी देण्यात आला असून शहरातील उर्वरित कामांसाठी आणखी 6 कोटी रुपये देण्यात येतील. तसेच तळेगाव पाणीपुरवठा योजनेसाठी 1 कोटी रुपयांचा निधीही देणार असल्यो उपमुख्यमंत्री एकनाथ शिंदे यांनी जाहीर केले.
तळा | तळा तालुक्यातील महाराष्ट्र राज्य वीज वितरण कंपनीचे जे अधिकारी मुख्यालयी राहत नाहीत, त्यांच्यावर कायदेशीर कारवाई करून त्यांची गोपनीय चौकशी करण्याची मागणी शिवसेनचे शहरप्रमुख राकेश वडके यांनी केली आहे. शासनाच्या आदेशान्वये शासकीय तसेच निमशासकीय अधिकारी व कर्मचार्‍यांना मुख्यालयी राहण्याचे आदेश असतांना तळा तालुक्यातील महावितरणचे अधिकारी हे मुख्यालयी राहत नाही.
बीड | धाकटी पंढरी म्हणून ओळख असलेल्या बीडच्या नारायण गडावर आज मनोज जरांगे-पाटील यांचा दसरा मेळावा पार पडला. दसर्‍या मेळाव्यातील या भाषणातून मनोज जरांगे यांनी विविध मुद्द्यांवर भाष्य केले. विशेष म्हणजे मनोज जरांगे यांनी उपमुख्यमंत्री एकनाथ शिंदे यांच्यावर हल्लाबोल केला.
नाशिक | पैशांचा पाऊस पाडण्याचे आमिष दाखवून आणि आजार बरा करण्याच्या नावाखाली नाशिकमधील एका कथित भोंदूबाबाने पनवेल येथील म हिलेला साडेसात लाख रुपयांचा गंडा घातल्याचा प्रकार उघडकीस आला आहे. अघोरी पूजेच्या नावाखाली महिलेला अर्धनग्न अवस्थेत बसवून विधी केल्याचा आरोपही करण्यात आला आहे.
रत्नागिरी | स्थानिक स्वराज संस्थांमधून निवडल्या जाणार्‍या कोकणातील जागेसाठी शेवटच्या दिवसापर्यंत सहा जणांनी नामनिर्देशन पत्रे दाखल केल्याची माहिती निवडणूक निर्णय अधिकारी मनुज जिंदल यांनी दिली. यात महायुतीकडून राष्ट्रवादीचे अनिकेत तटकरे, महाआघाडीकडून बाळ माने तर शेकापकडून अरविंद म्हात्रे यांचा समावेश आहे.
उमाजी म. केळुसकर| रायगड जिल्हा, महाराष्ट्राच्या पश्चिम किनारपट्टीवरील एक निसर्गरम्य आणि ऐतिहासिक भूभाग. पण या सौंदर्याला एक दुसरी, काळिमा फासणारी बाजूही आहे ती म्हणजे दरड कोसळण्याची सततची भीती. पावसाळा जवळ आला की, रायगड जिल्ह्यातील शेकडो गावांवर टांगती तलवार येते.
उमाजी म. केळुसकर| कोकण रेल्वे! अथांग अरबी समुद्राच्या किनार्‍याने, घनदाट सह्याद्रीच्या डोंगररांगातून आणि अगम्य खाड्यांमधून वाट काढत धावणारी ही केवळ एक रेल्वे नाही, तर ती महाराष्ट्राच्या विकासाची, कोकणातील समृद्धीची आणि एका स्वप्नपूर्तीची गाथा आहे.
नवी मुंबई । नवरात्रोत्सवानिमित्त देवी आणि घटांच्या विसर्जनावेळी तलावात वाहिलेले पैसे काढण्यासाठी पाण्यात उतरलेल्या दोन बालकांचा बुडून मृत्यू झाल्याची हृदयद्रावक घटना वाशीतील कोपरी गाव तलावात घडली. गोलू मन्सूरी (10) आणि गणेश गुप्ता (12) अशी मृत बालकांची नावे आहेत.
