अविनाश ओक यांची आत्महत्या , पेण येथे रेल्वेखाली दिले झोकून; अलिबागमध्ये खळबळ

 

पेण | अलिबाग येथील जे.एस.एम कॉलेजचे निवृत्त प्राध्यापक व जनशिक्षण संस्था रायगडचे माजी अध्यक्ष अविनाश मनोहर ओक यांनी बुधवारी (५ मार्च रोजी) पेण रेल्वे स्टेशन येथे धावत्या रेल्वेसमोर उडी मारुन आत्महत्या केली. ओक यांच्या आत्महत्येमुळे खळबळ उडाली आहे.

 

निवृत्त प्राध्यापक अविनाश ओक हे पेण येथील आई डे केअर या संस्थेत भेट देण्यासाठी आले होते. यानंतर ते स्वतःच्या गाडीने निघून गेले. जाताना त्यांनी गाडी पेण रेल्वे स्टेशनच्या समोर उभी करून स्थानकात उभी केली आणि रेल्वे समोर उडी मारून आत्महत्या केली. अविनाश ओक यांचे मूळ गाव माणगाव असून सध्या ते अलिबाग येथे राहत होते. या घटनेची माहिती समजताच माजी खासदार किरीट सोमेय्या हे उपजिल्हा रुग्णालयात दाखल झाले होते व त्यांनी पेण पोलिसांकडून घटनेची माहिती घेतली.

 

यानंतर अविनाश ओक यांचा मृतदेह अलिबाग येथे नेण्यात आला. तेथेच त्यांच्यावर अंतिम संस्कार करण्यात आले. प्राध्यापक अविनाश ओक हे मूळचे माणगाव येथील होते. त्यांचे वडील प्रसिद्ध वकील (आबा) मनोहर ओक होते. प्राध्यापक अविनाश ओक अलिबाग येथे कामानिमित्ताने स्थायिक झाले होते.

 

अलिबाग येथील जे.एस.एम. कॉलेज येथे राज्यशास्त्र या विषयाचे ते प्राध्यापक होते. याच दरम्यान त्यांनी जनशिक्षण संस्था रायगडचे अध्यक्षपद भूषविले होते. तर त्यांच्या पत्नी अलिबाग येथील कमळ नागरी पतसंस्थेच्या संचालक आहेत. एकूणच प्राध्यापक अविनाश ओक यांचे सामाजिक, शैक्षणिक क्षेत्रात मोठे कार्य होते.

प्राध्यापक अविनाश ओक यांच्या आत्महत्येची चिट्ठी मृत्यूनंतर घटनास्थळी पोलिसांना त्यांच्या शर्टाच्या खिशात सापडली आहे. ‘मी आत्महत्या करत आहे मृत्यूस कोणासही जबाबदार धरू नये’ असे या चिट्ठीत त्यांनी लिहून ठेवले आहे.